في البداية سألتها.. ما سر اتجاهك لهذه المهنة؟، فنظرت لي بعمق، وكأن شريط الذكريات طاف بعقلها، ثم قالت لي” أنا عمرى 50 سنة، وباشتغل جزارة منذ طفولتي، لأنها مهنة متوارثة، فهي مهنة أبويا وأجدادي، لكن اللي ليه الفضل الأكبر في تعليمي هذه المهنة هو أخويا، والشغل من عيب، وأبواب الرزق دايما مفتوحة، والست تقدر تشتغل أي شغلانة زي الراجل طالما شريفة ولقمة عيش حلال”.

وحول مدى تعرضها لأي صعوبات تقول أم علي: “خالص مافيش صعوبات، مهمة الجزارة بتعتمد على الخبرة، لأن كل منطقة في اللحمة وليها طبيعة خاصة وسعر وزبون كمان، وبرضه أثناء التقطيع كل مكان ليه نظامه، والمهم التحكم في الأدوات زي السواطير والسكاكين، لأنها أدوات حادة وعايزة تركيز طول الوقت، وإلا ممكن في لحظة أي حد يتعور أو يتعرض لجروح كبيرة”. 

وأضافت أم علي أن أسرتها لم ترفض عملها في هذه المهنة لأنهم يفتخرون بها، فهي مهنة الآباء والأجداد، قائلة: “أنا باحب المهنة دي جدا، والشغل مش عيب، بالعكس إحنا عايشين في زمن صعب، وأي إنسان بيتمنى يكون صاحب صنعة وعنده مصدر دخل، وعلشان كده بانصح الشباب بإنهم يكسبوا بالحلال ومفيش شغل عيب وأي فرصة عمل يبدأوا بيها”.